เมนู

[112] นสนิทสฺสนสปฺปฏิฆํ นนิยตํ ธมฺมํ ปจฺจยา อนิทสฺสนอปฺปฏิโฆ นิยโต ธมฺโม อุปฺปชฺชติ เหตุปจฺจยา… เหตุยา ตีณิฯ

นสนิทสฺสนสปฺปฏิฆํ นอนิยตํ ธมฺมํ ปฏิจฺจ สนิทสฺสนสปฺปฏิโฆ อนิยโต ธมฺโม อุปฺปชฺชติ เหตุปจฺจยา… เหตุยา เอกวีสฯ

[113] นสนิทสฺสนสปฺปฏิฆํ นสอุตฺตรํ ธมฺมํ ปฏิจฺจ สนิทสฺสนสปฺปฏิโฆ สอุตฺตโร ธมฺโม อุปฺปชฺชติ เหตุปจฺจยา… เหตุยา เอกวีสฯ

นสนิทสฺสนสปฺปฏิฆํ นอนุตฺตรํ ธมฺมํ ปจฺจยา อนิทสฺสนอปฺปฏิโฆ อนุตฺตโร ธมฺโม อุปฺปชฺชติ เหตุปจฺจยา… เหตุยา ตีณิฯ

22-100. สนิทสฺสนตฺติก-สรณทุกํ

[114] นสนิทสฺสนสปฺปฏิฆํ นสรณํ ธมฺมํ ปจฺจยา อนิทสฺสนอปฺปฏิโฆ สรโณ ธมฺโม อุปฺปชฺชติ เหตุปจฺจยา… เหตุยา ตีณิฯ

นสนิทสฺสนสปฺปฏิฆํ นอรณํ ธมฺมํ ปฏิจฺจ สนิทสฺสนสปฺปฏิโฆ อรโณ ธมฺโม อุปฺปชฺชติ เหตุปจฺจยา… สตฺตฯ

นอนิทสฺสนสปฺปฏิฆํ นอรณํ ธมฺมํ ปฏิจฺจ สนิทสฺสนสปฺปฏิโฆ อรโณ ธมฺโม อุปฺปชฺชติ เหตุปจฺจยา… สตฺตฯ

นสนิทสฺสนสปฺปฏิฆํ นอรณญฺจ นอนิทสฺสนสปฺปฏิฆํ นอรณญฺจ ธมฺมํ ปฏิจฺจ สนิทสฺสนสปฺปฏิโฆ อรโณ ธมฺโม อุปฺปชฺชติ เหตุปจฺจยา… สตฺตฯ เหตุยา เอกวีสฯ

(สหชาตวารมฺปิ ปฏิจฺจวารสทิสํ วิตฺถาเรตพฺพํฯ)

เหตุอารมฺมณปจฺจยาทิ

[115] นสนิทสฺสนสปฺปฏิโฆ นอรโณ ธมฺโม สนิทสฺสนสปฺปฏิฆสฺส อรณสฺส ธมฺมสฺส เหตุปจฺจเยน ปจฺจโย… สตฺตฯ

นอนิทสฺสนสปฺปฏิโฆ นอรโณ ธมฺโม สนิทสฺสนสปฺปฏิฆสฺส อรณสฺส ธมฺมสฺส เหตุปจฺจเยน ปจฺจโย… สตฺตฯ